Претставници од Кабинетот на МИСР учествуваат на регионалната конференција „Western Balkan Youth and EU: Shaping Our Common Future“, која оваа година се одржува истовремено во пет градови: Белград, Сараево, Скопје, Тирана и Приштина.

На 12 и 13 ноември 2025 година, во Велес се одржа работилница со цел да се направи анализа за состојбата на жените Ромки во Северна Македонија, на која активно учество зема и претставник на Кабинетот, г-ѓа Џенифа Асановска.

Денес остварив средба со директорката на ДУЦОР „Партенија Зографски“ – Скопје, г-ѓа Слободанка Џеповска. ДУЦОР „Партенија Зографски“ – Скопје веќе седум децении посветено работи со ученици со посебни образовни потреби (со оштетен слух).

На средбата разговаравме за предизвиците со кои се соочуваат учениците, за нивните потреби, но и за скриените таленти и потенцијалот што го поседуваат.

Во рамки на програмата "Ноемвриски денови 2025", со особена чест и задоволство, денес претставници на Кабинетот присуствуваа на настан по повод Меѓународниот ден на ромскиот јазик – 5 Ноември. Настанот кој беше организиран од страна на Центарот за ромската заедница – ДРОМ, Куманово, со поддршка на Општина Куманово, се одржа во Занаетчискиот дом во Куманово.