Министерот задолжен за интеграција и имплементација на Стратегијата за инклузија на Роми, д-р Шабан Салиу, оствари средба со г-дин Армен Григорјан, постојан претставник на УНДП во Македонија.

Салиу: Дискутиравме во насока на идна соработка во остварување на приоритетите и целите на мојот кабинет. Го запознав со моменталната состојба од имплементацијата на Стратегијата за инклузија на Ромите и предложив иницијативи од областа на домувањето кои би можеле да ги поддржат, што беше веднаш прифатено од негова страна.