Денес беше остварена официјална средба со амбасадорот на Кралството Шведска во Република Северна Македонија, г-дин Ола Солстром (Ola Sohlström), кој пред околу четири месеци беше назначен на оваа функција.
На средбата амбасадорот беше запознаен со Стратегијата за инклузија на Ромите 2022–2030, како и со активностите и предизвиците на кои се работеше, поврзани со статусот и положбата на Ромите во државата. Беа разгледани клучните проблеми со кои се соочуваше ромската заедница, особено во областа на домувањето, културата и образованието.
Во отворен и конструктивен разговор беше изразена подготвеност за идна соработка и заедничко делување, со цел изнаоѓање конкретни и одржливи решенија за унапредување на инклузијата и квалитетот на животот на Ромите.